2012 წლის თებერვლიდან დეკემბრის  ჩათვლით, „სამართლიანმა არჩევნებ“-მა განახორციელა პროექტი „სამოქალაქო საზოგადოების ჩართულობა ადგილობრივი გადაწყვეტილებების მიღების პროცესში“ „შვედეთის განვითარების საერთაშორისო სააგენტო“-სა და „ევრაზიის თანამშრომლობის ფონდი“-ს ფინანსური მხარდაჭერით. პროექტის მიზანს წარმოადგენდა  ადგილობრივი თვითმმართველი ორგანოების მონიტორინგისა და კონტროლის კუთხით ადგილობრივი სათემო ორგანიზაციების,  მედიისა და მოქალაქეების უნარ-ჩვევების გაზრდა და ადგილობრივი თვითმმართველი ორგანოების გამჭვირვალობისა და პასუხისმგებლობის გაძლიერება. პროექტი მოიცავდა ქვემო ქართლის, სამცხე-ჯავახეთისა და შიდა ქართლის 6 მუნიციპალიტეტს: გარდაბანი, წალკა, თეთრიწყარო, ხაშური, ბორჯომი, ახალციხე.

2012 წლის 1 თებრევლიდან ლანჩხუთის საინფორმაციო ცენტრი ოზურგეთის ახალგაზრდა მეცნიერთა კლუბთან და ტელეკომპანია „გურიასთან“  ახორციელებს პროექტს „საზოგადოებრივი მონიტორინგი ცვლილებებისთვის“.  პროექტი დაფინანსებულია ევრაზიის თანამშრომლობის ფონდის მიერ ამერიკის შეერთებული შტატების საერთაშორისო განვითარების სააგენტოს სახსრებით. პროექტის მიზანს წარმოადგენს არასამთავრობო ორგანიზაციებისა და მედიასაშუალების კოალიციური ძალისხმევით ხელი შეეწყოს ლანჩხუთისა და ოზურგეთის მუნიციპალიტეტების ტერტორიულ ერთეულებში საზოგადოებრივი მონიტორინგის პროცესის ინიცირებასა და გააქტიურებას, რაც თავის მხრივ გააუმჯობესებს ადგილობრივი თვითმმართველობების პასუხისმგებლობას, მათ პოლიტიკას გახდის მოსახლეობაზე მეტად ორიენტირებულს. ამ მიზნის მისაღწევად ლანჩხუთისა და ოზურგეთის მუნიციპალიტეტის 5-5 ტერიტორიული ერთეულში შერჩეული იქნა საზოგადოებრივი მონიტორინგის სამუშაო ჯგუფები, რომლებმაც გაიარეს ტრენინგ კურსი მონიტორინგში, ეფექტურ კომუნიკაციასა და სოციოლოგიური კვლევების მენეჯმეტში. მათი უშუალო საქმიანობაა ჩაატარონ საზოგადოებრივი მონიტორინგის პროცესი საკუთარ თემებში 2011 წელს მუნიციპალიტეტის მიერ განხორციელებული როგორც ინფრასტრუქტურული და სოფლის მხარდამჭერი პროგრამების, ასევე სოციალური პროექტების გარშემო.

ამ ეტაპზე მონიტორინგის პროცესი მიმდინარეობს ოზურგეთის მუნიციპალიტეტის 2 სასოფლო თემში. პროცესი დასრულდა ლანჩხუთის მუნიციპალიტეტის შუხუთის თემში.

შუხუთის მონიტორინგის ჯგუფის მიერ, შემუშავდა სამოქმედო გეგმა, რომლის მიხედვითაც განხორციელდა შემდეგი ღონისძიებები: მომზადდა ოფიციალური წერილი, საკრებულოს თავმჯდომარის, გამგებლისა და სოფლის ხელმძღვანელობის სახელზე  სახელზე პროექტის გაცნობისა და საჯარო იფორმაციის გამოთხოვის მიზნით, გამოთხოვილი იქნა საჯარო ინფორმაცა, ჯგუფმა ჩაატარა სოფლის მოსახლეობის მუნიციპალური სერვისებით კმაყოფილების კვლევა, ხოლო ლანჩხუთის საინფორმაციო ცენტრმა მოახდინა მისი ანალიზი, დამზადდა საინფორმაციო ბუკლეტი, მონიტორინგის შედეგები გაშუქდა ტელეკომპანია „გურიას“ ეთერით, ჩატარდა საჯარო შეხვედრა, სადაც მოსახლეობას გაეცნო მონიტორინგის შედეგები, საბოლოოდ დასკვნები და რეკომენდაციები მიეწოდა ლანჩხუთის მუნიციპალიტეტის საკრებულოს, ლანჩხუთის მუნიციპალიტეტის გამგეობას და ლანჩხუთის მუნიციპალიტეტის გამგეობის შუხუთის ტერიტორიული ორგანოს. 

საქართველოს სამოქალაქო განვითარების ასოციაცია ფონდი საქართველოს სტრატეგიული კვლევებისა და განვითარების ცენტრის ფინანსური მხარდაჭერით ახორციელებს სამიზნე მუნიციპალიტეტების (სიღნაღი ლაგოდეხი) პოლიტიკის მონიტორინგს და ანალიზს. ადგილობრივი პოლიტიკის მონიტორინგის მთავარ მიზანს კი მუნიციპალური პოლიტიკური სერვისების გაუმჯობესება წარმოადგენს.
მასალა მომზადებულია ლაგოდეხის მუნიციპალიტეტიდან გამოთხოვილი საჯარო დოკუმენტებისა და მოსახლეობის აზრის კვლევის საფუძველზე. პროცესებში ასევე აქტიურად არის ჩართული ლაგოდეხის მუნიციპალიტეტის საკრებულოსთან არსებული საზოგადოებრივი დარბაზიც.
როგორც მოგეხსენებათ ეფექტური მმართველობის ინსტრუმენტებში ერთ-ერთ უმნიშვნელოვანეს მიმართულებას განხორციელებული საქმიანობების შეფასება წარმოადგენს. ჩვენ შემთხვევაში კი ადგილობრივი ბიუჯეტისა და ქონების მართვით მიღებული შედეგების შეფასება წარმოადგენს. ჩვენი ორგანიზაციის მიერ სისტემატურად ტარდება მოსახლეობის პრობლემათა და აზრის კვლევა მუნიციპალური პოლიტიკისა და სერვისების შესახებ, სადაც თითქმის ყველა კვლევის დრის იკვეთება მოსახლეობის ინფორმირებასთან დაკავშირებული პრობლემები.

ქვეყანაში სოციალური კეთილდღეობის მიღწევის უმნიშვნელოვანეს სეგმენტებს ეფექტური ადგილობრივი თვითმმართველობის და სამოქალაქო საზოგადოების ჩამოყალიბება წარმოადგენს, აქედან გამომდინარე ` საქართველოს სამოქალაქო განვითარების ასოციაცია" `ფონდი საქართველოს სტრატეგიული კვლევებისა და განვითარების ცენტრის" ფინანსური მხარდაჭერით ახორციელებს სამიზნე მუნიციპალიტეტების (სიღნაღი ლაგოდეხი) ადგილობრივი პოლიტიკის მონიტორინგს (სასტარტო მდგომარეობის შეფასება). მასალა მომზადებული სიღნაღის მუნიციპალიტეტიდან გამოთხოვილი საჯარო ინფორმაციის და ადგილობრივ პროცესებზე დაკვირვების მრავალწლიანი გამოცდილების საფუძველზე.

საქართველო მდიდარია წყლის რესურსებით და ქვეყანა არ განიცდის რესურსის ნაკლებობას წყალზე არსებული მოთხოვნის დასაკმაყოფილებლად; თუმცა, ქვეყნის ტერიტორიაზე რესურსის არათანაბრი გადანაწილება და წყალმომარაგების სისტემების გაუმართაობა, ზოგიერთ შემთხვევაში კი, არარსებობა, მნიშვნელოვანად ზღუდავს სასმელ წყალზე ხელმისაწვდომობას. ასევე, საქართველოს წყალმომარაგების სფეროში ერთ-ერთ უმძაფრეს პრობლემას სასმელი წყლის ხარისხი წარმოადგენს. 2007-2008 წლებში მწვანე ალტერნატივა თვალს ადევნებდა თბილისის, რუსთავისა და მცხეთის წყალმომარაგების სისტემების პრივატიზების პროცესს.

2005 წლიდან მწვანე ალტერნატივა თვალს ადევნებს რამოდენიმე მსხვილი ობიექტის პრივატიზებისა და ამ სფეროში გამჭვირვალობის უზრუნველყოფის მიზნით კანონმდებლობის ცვლილების პროცესს. სამწუხაროდ, გამოცდილება აჩვენებს, რომ საწარმოს პრივატიზების შესახებ გადაწყვეტილების მიღების პროცესის სრული ციკლი - დაწყებული ობიექტის საპრივატიზებოდ გამოტანის შესახებ გადაწყვეტილებით, დამთავრებული კონკრეტული მყიდველის შერჩევისა და მისთვის ამა თუ იმ ვალებულების დაკისრების შესახებ გადაწყვეტილებით - დახურულია საზოგადოებისათვის. 2007 წელს მწვანე ალტერნატივამ გამოაქვეყნა პირველი ანგარიში - „სახელმწიფო ქონების პრივატიზების აგრესიული პოლიტიკა, ანუ „პრივატიზება ქართულად"", რომელშიც აღწერილი იყო 2005-2007 წლებში ორგანიზაციის მიერ პრივატიზების პროცესის მინიტორინგის შედეგად გამოვლენილი დარღვევები. 2010 წელს მწვანე ალტერნატივამ გამოაქვეყნა მეორე ანგარიში - „სახელმწიფო ქონების პრივატიზების აგრესიული პოლიტიკა ანუ "პრივატიზება ქართულად-2". ამ ანგარიშში განხილულია „სახელმწიფო ქონების პრივატიზების შესახებ" საქართველოს კანონში 2004 წლიდან 2010 წლის აპრილამდე განხორციელებული რამოდენიმე მნიშვნელოვანი ცვლილება და აღწერილია ზოგიერთი საწარმოს პრივატიზების („თბილისის წყალი", „საქწყალკანალი", „მცხეთაწყალკანალი" და „რუსთავწყალკანალი") პროცესის და რამოდენიმე გასხვისებული საწარმოს (ვარციხის ჰეს-ების კასკადი, ჭიათურის სამთო-გამამდიდრებელი კომბინატი, „მადნეული" და „კვარციტი") მიერ აღებული ვალდებულებების მონიტორინგის შედეგები.
2011 წლის დეკემბერში მწვანე ალტერნატივამ გამოაქვეყნა მესამე ანგარიში: წყალი - პრეზიდენტის სასახლიდან ჩვენს ონკანამდე, ანუ „პრივატიზება ქართულად-3". ამ ანგარიშში აისახა თბილისის, რუსთავისა და მცხეთის წყალმომარაგების სისტემების პრივატიზების პროცესის და პრივატიზების ხელშეკრულებით საწარმოების ახალი მფლობელის მიერ წყალმომარაგების სისტემების გაუმჯობესებისათვის აღებული ვალდებულების შესრულების მონიტორინგის შედეგები.
მონიტორინგის შედეგად დადგინდა, რომ თბილისის, მცხეთისა და რუსთავის წყალმომარაგების სისტემების პრივატიზების შედეგად, უხეშად ილახება მოქალაქეებს წყალმომარაგების სისტემებისა და სასმელი წყლის ხარისხის შესახებ ინფორმაციაზე ხელმისაწვდომობის უფლება. საქართველოს პრეზიდენტმა, საქართველოს მთავრობამ, ეკონომიკისა და მდგრადი განვითარების სამინისტრომ და ქ. თბილისის მთავრობამ უფლება მისცა გამოუცდელ და საიდუმლოებით მოცული წარმომავლობის მქონე კერძო კომპანიას, საზოგადოებასთან ყოველგვარი ანგარიშვალდებულების გარეშე, იზრუნოს საკუთარ კომერციულ ინტერსებზე.
ანგარიშში აღწერილი ფაქტები ასევე ცხადყოფს, რომ სრულიად უგულვებელყოფილია მოქალაქეების მონაწილეობის უფლება ისეთი გადაწყვეტილებების მიღების პროცესში, რომელთაც უშუალო ზემოქმდება აქვთ მათი წყალზე უფლებით სარგებლობის შესაძლებლობებზე. ხშირ შემთხვევაში, მოქალაქეებისათვის არათუ გადაწყვეტილების მიიღების პროცესია დახურული, არამედ თავად გადაწყვეტილებაა გასაიდუმლოებული.
ანგარიშში მოყვანილი შემთხვევების ანალიზისას, თვალშისაცემია ერთი მნიშვნელოვანი გარემოება - მოქალაქეების ამ უფლებების შელახვა არა ერთეული შემთხვევების, არამედ სისტემური ხასიათის პრობლემაა და აშკარად მიზანმიმართულ ხასიათს ატარებს. მწვანე ალტერნატივა ასკვნის, რომ ამ პრაქტიკის კონკრეტული მიზეზების საფუძვლები, ზოგადად, ქვეყაში დემოკრატიული ინსტიტუტების მშენებლობისა და კანონის უზენაესობის უზრუნველყოფასთან დაკავშირებულ პრობლემებშია საძიებელი. სახელმწიფო სტრუქტურების მიერ, ქვეყნის მოქალაქეების უფლებების შელახვის ფასად, ბუნებრივი მონოპოლიის მფლობელის არარსებულ კონკურენტუნარიანობაზე ზრუნვა კი, შესაძლოა, ე.წ. „ელიტური" კორუფციის დაფარვის მცდელობადაც იქნეს გახილული.

წყალი - პრეზიდენტის სასახლიდან ჩვენს ონკანამდე, ანუ „პრივატიზება ქართულად-3", ისევე როგორც მწვანე ალტერნატივას მიერ 2007 და 2010 წლებში გამოცემული ანგარიშები, ხელმისაწვდომია მწვანე ალტერნატივას ვებ-გვერდზე: www.greenalt.org.

ევრაზიის თანამშრომლობის ფონდის ვებგვერდზე შეგიძლიათ გაეცნოთ 2009 წელს ევროპის საბჭოს მიერ რეკომენდირებულ კოდექსს სამოქალაქო მონაწილეობის შესახებ,რომელიც ვიმედოვნებთ მნიშვნელოვნად გააფართოებს თქვენს წარმოდგეანს მონაწილეობითი სამოქალაქო მონიტორინგის შესახებ. მასალა ხელმისაწვდომია როგორც ინგლისურ ასევე რუსულ ენებზე. იხ. ბმული http://www.epfound.ge/georgian/saqmianoba/tanamonatsileoba-cvlilebebisatvis.html

სოფლის დახმარების პროგრამით საქართველოში დღემდე სამი წლის განმავლობაში უკვე 100 მილიონი ლარია დახარჯული. ეს თანხები სოფლის მოსახლეობის ინფრასტრუქტურის განვითარებასა და ადგილობრივ დონეზე თვითმმართველობის ელემენტების რეალურად ამოქმედებას უნდა მოხმარებდა თითოეული თეთრი სოფლის მაცხოვრებელთა გადაწყვეტილებით უნდა დახარჯულიყო. სწორედ ამიტომ ეს პროექტი და მისი შესრულების მდგომარეობა ეკონომიკური პოლიტიკის კვლევის ცენტრის ინტერესის საგნად იქცა.

წარმოგიდგენთ თვითმმართველი ქალაქების ბიუჯეტის მონიტორინგის ზოგიერთ შედეგებსა და მიგნებებს. პროექტში მონაწილეობდნენ შემდეგი ორგანიზაციები:
ეკონომიკის პრობლემების კვლევის ცენტრი შეიქმნა 2008 წლის აგვისტოში. ცენტრის ძირითადი ორიენტირები:ეკონომიკის საკითხებზე მეცნიერული და პრაქტიკული კვლევების განხორციელება;ეკონომიკური პრობლემების კომპლექსური შესწავლა. საზოგადოებისათვის ეკონომიკურ პროცესებზე ობიექტური ინფორმაციის მიწოდება;
კავკასიის ეკონომიკური და სოციალური კვლევითი ინსტიტუტი დაფუძნდა 2009 წლის თებერვალში. ინსტიტუტი უზრუნველყოფს საზოგადოებას, მასმედიას, საჯარო და სხვა დაწესებულებებს კვალიფიციური სამეცნიერო კვლევებით. ინსტიტუტი ხელს უწყობს რეგიონში ეკონომიკური პოლიტიკის და სამეწარმეო გადაწყვეტილებების შესახებ ექსპერტული დისკუსიების ჩამოყალიბება-დამკვიდრებას.
ადგილობრივი დემოკრატიისა და ეკონომიკის ინსტიტუტი დაარსდა 2009 წელს. 2001 წელს, ამ გუნდის მიერ დაფუძნებულ იქნა „საქართველოს ახალგაზრდა ეკონომისტთა ასოციაციის იმერეთის წარმომადგენლობა". გუნდის უშუალო ხელმძღვანელობით განხორციელდა არაერთი პროექტი. მათ შორის: სამოქალაქო ინტერესების დაცვის კამპანია ქ. ქუთაისში; ბიუჯეტის მონიტორინგი; საზოგადოებრივი მონიტორინგის ფორმების დანერგვა.
ადამიანის უფლებათა და სოციალური სამართლიანობის დაცვის კვლევითი ცენტრი მისი საქმიანობის სფეროა ადამიანის უფლებათა დაცვა, სამოქალაქო საზოგადოების ჩამოყალიბებისკენ სწრაფვა,თავისუფალი მედია, საჯარო ფინანსების მართვის გამჭვირვალობის ხელშეწყობა, დამოუკიდებელი ჟურნალისტური საქმიანობა.

საქართველოს დემოკრატიისა და ეკონომიკური განვითარების ინსტიტუტი დაარსდა 2009 წლის 12 მარტს და მიზნად დაისახა დემოკრატიული სახელმწიფოს და სამოქალაქო საზოგადოების ჩამოყალიბების ხელშეწყობა; რეგიონალური ეკონომიკის განვითარების ხელშეწყობა; მოსახლეობაში ეკონომიკური აზროვნების ამაღლება; ადამიანის უფლებების დაცვა.
სამოქალაქო განვითარების სააგენტო (CiDA) არის სამხრეთ-ცენტრალურ საქართველოში მოქმედი ადგილობრივი არასამთავრობო ორგანიზაცია, რომელიც 2002 წელს რუსთავში დაფუძნდა. CiDA მხარს უჭერს სამოქალაქო ინტეგრაციასა და ტოლერანტობის პრინციპების განხორციელებას ქვემო ქართლში, შიდა ქართლსა და სამცხე-ჯავახეთში.

 მონიტორინგის მეთოდოლოგია მოიცავდა 11 მიმართულებას:
2. საბიუჯეტო პროცედურების ვადების (საბიუჯეტო კალენდარი)
3. დაცვის მონიტორინგი;
4. ბიუჯეტის კვარტალური/წლიური ანალიზი საბიუჯეტო შემოსავლების მობილიზების და ბიუჯეტის შესრულების კუთხით;
5. ტრანსფერების (გათანაბრებითი, მიზნობრივი და სპეციალური) მიღების და ხარჯვის მონიტორინგი;
6. საქართველოს რეგიონებში განსახორციელებელი პროექტების ფონდიდან დაფინანსებული მიზნობრივი პროგრამებისა და პროექტების მონიტორინგი;
7. ბიუჯეტის სარეზერვო ფონდის ხარჯვის მონიტორინგი;შერჩეული მიზნობრივი პროგრამების მიმდინარეობის და შესრულების მონიტორინგი;
8. წინასაარჩევნო პერიოდში ადმინისტრაციული რესურსების ხარჯვის მონიტორინგი; ბიუჯეტის გამჭვირვალობის და ანგარიშვალდებულების მონიტორინგი;
9. სესხებისა და გრანტების მიზნობრიობის და ხარჯვის სისწორის მონიტორინგი;
10. პროგრამული და კაპიტალური ბიუჯეტების შედგენის მიმდინარეობის მონიტორინგი;
11. თვითმმართველობების 2011 წლის ბიუჯეტების მომზადების პროცედურების მონიტორინგი

CENN - კავკასიის გარმოსდაცვითი არასამთავრობო ორგანიზაციების ქსელი - არასამთავრობო რეგიონული ორგანიზაციაა, რომელიც 1998 წელს დაარსდა და აქტიურად მუშაობს შემდეგი ხუთი მიმართულებით: სამოქალაქო საზოგადოების მშენებლობა და ინსტიტუციური განვითარება, გარემოსდაცვითი კვლევა და პოლიტიკა, რესურსების მართვა, საერთაშორისო მოთხოვნებსა და კანონმდებლობასთან შესაბამისობის მართვა და მდგრადი განვითარება და კომუნიკაცია.

CENN-ის მიზანია ხელი შეუწყოს ძლიერი და პასუხისმგებლობის მქონე სამოქალაქო საზოგადოების ჩამოყალიბებას, ეფექტიანი გარემოსდაცვითი მმართველობისა და ანგარიშვალდებული კერძო სექტორის განვითარებას, რაც დაიცავს გარემოს და ხელს შეუწყობს ადამიანთა ცხოვრების გაუმჯობესებას.

CENN საქმიანობებს ახორციელებს სამხრეთ კავკასიის მასშტაბით ადგილობრივ, ეროვნულ და რეგიონულ დონეზე. ორგანიზაციას აქვს რეგიონულ დონეზე, სამხრეთ კავკასიის სამივე ქვეყნის აქტიური ჩართვითა და მონაწილეობით, ერთობლივი პროექტებისა და აქტივობების განხორციელების სოლიდური გამოცდილება.

CENN თვლის, რომ გარემოსდაცვით საკითხებზე მუშაობისას ძალიან ეფექტიანია ქსელური მუშაობა და თანამშრომლობა დაინტერესებულ მხარეებს შორის.

წყალმომარაგების სისტემის რეაბილიტაცია

სოფელ N-ში ადგილობრივი მოსახლეობა 10 წელზე მეტი ხნის განმავლობაში ვერ იყენებდა ონკანის წყალს სასმელად. ამის მიზეზი მოძველებული მილები და დაზიანებული სათავე ნაგებობა იყო. CENN-ის სათემო მობილიზაციის სამუშაოების ჩატარების შედეგად ადგილზე ჩამოყალიბებულმა ადგილობრივმა საინიციატივო ჯგუფმა დაიწყო აქტიური მუშაობა სწორედ ამ პრობლემის გადასაჭრელად. ჯგუფმა ჩაატარა შეხვედრები ადგილობრივ ხელისუფლებასთან, ასევე, სოფელში წყლის მოწოდებაზე პასუხისმგებელ კომპანიასთან. მოხდა საკითხის მოგვარების გზების იდენტიფიცირება და პასუხისმგებლობებისა და როლების განაწილება პრობლემის მოგვარების პროცესში. აღნიშნულ კამპანიაში აქტიურად იქნა ჩართული მედია საშუალებები. ყველა მხარე - ადგილობრივი მოსახლეობა, ადგილობრივი ხელისუფლება და წყალმომარაგებზე პასუხისმგებელი კომპანია - შეთანხმდა, რომ წყლის მიწოდების სისტემის რეაბილიტაცია ერთ-ერთი უმნიშვნელოვანესი საკითხია სოფლისათვის.

ზემოთ აღნიშნული კამპანიის შედეგად წყალმომარაგების კომპანიამ განახორციელა მაგისტრალური წყალსადენის რეაბილიტაცია სოფლამდე, ხოლო ადგილობრივი ხელისუფლების დაფინანსებით, სოფელში მოხდა წყლის სისტემის კაპიტალური რემონტი. დღეისათვის ადგილობრივ მოსახლეობას სუფთა სასმელი წყალი მიეწოდება.

დამეწყრილი გზის რეაბილიტაცია

2010 წლის ივნისში სოფელ N- ში ჩამოწვა მეწყერი, რომელმაც გადაკეტა 22 სოფლის 360 ოჯახთან მისასვლელი ერთადერთი საავტომობილო გზა. მოსახლეობა მოწყდა გარე სამყაროს და ასეთ მდგომარეობაში იმყოფებოდა 2 კვირის განმავლობაში, საკვები პროდუქტები და მედიკამენტები მათ მხოლოდ ვერტმფრენით მიეწოდებოდა.

CENN-ის ჯგუფმა, თემის რწმუნებულთან მჭიდრო თანამშრომლობით, მოაწყო სათემო შეხვერები. შეხვედრებზე მიღებული გადაწყვეტილების საფუძველზე გაიგზავნა განცხადებები მუნიციპალიტეტის გამგეობაში, გარემოს ეროვნულ სააგენტოსა და საქართველოს ინფრასტრუქტურისა და რეგიონული განვითარების სამინისტროში, რათა მომხდარიყო სიტუაციის ადგილზე შესწავლა და მიღებულიყო შესაბამისი ზომები პრობლემის გადასაჭრელად. ამის პარალელურად მოხდა ინფორმაციის გავრცელება პრესისა და ტელევიზიის საშუალებებით (განხორციელდა რამდენიმე პრესტური ადგილზე ჟურნალისტების ჩაყვანით).

შედეგად, გაიწმინდა გზა და ადგილობრივ მოსახლეობას მიეცა გადაადგილების საშუალება.

ასევე, რაც ყველაზე მნიშვნელოვანია პრობლემის ხანგრძლივვადიანი გადაჭრის კუთხით, სახელმწიფომ გამოყო დამწყრილი გზის რეაბილიტაციისთვის საჭირო თანხა.